نشرة الاخبار

الأحد، ديسمبر 16، 2007

طويل الوردانى .. وقصير نصيبى

شفت العجب فى الصحافة أشكال والوان ... حاجات لئيمة وحاجات كريمة ... حاجات مدهشة وحاجات مفجعة .. وسمعت كلام كتيييير ... وحجج ياما لحجب أشياء كنت بكتبها ابتداء من جبهة نبيل زكى اللى كان بيضرب عليها وهو يسأل فى اندهاش " موضوعك ما اتنشرش ازااااى " وطبعا بيكون هو اللى دلقه ....نهاية بجعورة رفعت السعيد الرنانة لما كان بيصرخ فى الطرقة ويقول : انا حر مش عاوز انشره .. عندى مصالح " .. كل ده كان 0بالنسبة للعبد لله المضروب عادى ....
بس ال مش عادى اللى قالو لى صديقى محمود الوردانى مسئول صفحة الرأى فى جريدة البديل ( وهو رجل محترم وبحبه ) لما سألته لماذا لم تنشر مقالتى حتى الأن " اجاب " اصلها لا طويلة ولا قصيرة " وهو ما آثار داخلى الموقف الفلسفى الذى كنت نسيته من زمان وجعلنى اسأل عن بعض المفاهيم الاولية وانتهيت الى الشروع فى إعداد دراسة مطولة عن " مفهوم الطويل لدى الوردانى " ... ياريت 0اللى يقدر يساعدنى يراسلنى على:

هناك تعليقان (2):

dreamer يقول...

كل عام و أنتم بخير و تقبل الله طاعاتكم

غير معرف يقول...

هههههههه
هوه ده البديل يا عمنا
لازم يكون مختلف
لا أونطجي زي عم نبيل
ولا حنجوري زي عم رفعت