نشرة الاخبار

الجمعة، يناير 23، 2009

شعبولا بيتحى اوباما

أغنية شعبان عبد الرحيم الجديدة بمناسبة السعادة الغامرة التى غرقت فيها الشعوب العربية لتولى اوباما رئاسة الولايات المتحدة ...فماذايقول :
أنا شايف الإبتسامة والفرحة ع الوشوش.... اياك بارك اوباما ما يكونش زي بوش
مين يعرف ولا يعلم في ايه جوه النفوس.... بلاش من بدري نحلم لا يكون الحلم كابوس
خلينا زي ما احنا ما الهم خدنا عليه.... راح بوش وجه اوباما ايه يعني هيحصل ايه
لسه فلسطين محتله والحرب في العراق.... والناس عايشه في مذله وعداء يجيب عداء
مهما هيعمل اوباما ويلف شمال ويمين.... لا يرجع الحريري ولا حتى الشيخ ياسين
عرفات مش جاي تاني اللي عاش ايام سواد ومات.... والكل عارف بحركات من الموساد
يا عربي الف سلامة يا عربي يا عيني عليك.... قاعد مستني اوباما علشان ياخد بأيديك
ولا بوش ولا اوباما هيفكروا ابدا فيك.... يا عربي مفيش غير ايدك هي اللي راح تحميك
بوش يخرب بيت سنينة باعنا وضيعنا سنين.... وأوباما الناس فاكرينه هيكون صلاح الدين
ما هو بوش ابن المجنونة شعللها في كل مكان.... افغان وعراق وغزة واخرها سورية كمان
هيعمل ايه اوباما في مصايب بوش وابوه.... ما سابوش مكان في العالم الا ما خربوه
مجاعات وأزمة ماليه وخرب ودمار وحروب.... اهو غار ابن المؤزية وسايبهالنا ع الطوب..
وهييييييييييييييييييييييييييييييييييييييييييييييييييييي

ليست هناك تعليقات: