نشرة الاخبار

الجمعة، يناير 23، 2015

عنببببببببر كله يسمع


عنببببببببببببببببببببر كله يسمع 

أعرفكم إن السجن مايدومش لولاد الزوانى والاندال  
وإن ريسنا ووولاد ريسنا مش من طين الغلابة والعوام 
وإن الثورة مش وهم وحيبة عيال 
واعرفكم ان الخازوق لبس وعدى ولم يبان 
الاولة ...قمنا بثورة لكن من غير  عمدان . 
والثانية.... اتفرقنا ودخل بينا الاندال .
والثالثة... لبسنا توب الحكم بالمقلوب والسلطانية فوق الدماغ .
والرابعة ...لعب بينا ولاد الزوانى والاوساخ .
والخامسة... الدقون والنجوم قتلوا الشباب وسحلوهم ف الميدان . 
والسادسة... حطنا رقبينا على كفة قضا ميلان .
والسابعة  ... كلنا بعنا وكلنا اتبعنا لكن القلب بالأمل مليان . 
والثامنة.... اللى بيحب الغلابةوتراب الاوطان عمره لايهدى ولا بيرتاح .
والتاسعة ... الثورة لا بتيجى من عدم ولا بتدوب فى افعال اللئام .
والعاشرة ... راحت منا شوطة لكن ماتش الثورة لسه شغال . 
اعرفكم وأعرف كل المصريين ان الشابين الحلوين  جمال وعلاء ولاد مبارك واللى عاشوا30 عام فوق جثث الغلابة والعيان والكربان خارجين من السجن بكرة وبقوا ف الشارع بينا من غير حيطان ..
 عقبال ربنا ما يفك اسر وطن و شعب من همه عينه لا بتغفل ولا ينام .